கிளிக் கதை

ஞாயிற்றுக் கிழமை காலைக்காட்சி
கூட்டம் குறைவாக இருந்த
மலையாளப் படத்துக்கு
தன் கிளியுடன் வந்திருந்தான்
பஸ் ஸ்டாண்ட் கிளி ஜோசியக்காரன்.
அவ்வபோது கிளியின் குரல்
கேட்டுக் கொண்டிருந்தது தியேட்டரில்.
படம் முடிந்து போகும்போது
கூண்டுக்குள் சிதறிக் கிடந்த
பாப்கார்னை பார்த்துக் கொண்டு
சோர்வாக உட்கார்ந்திருந்தது கிளி.

(c) veenaapponavan@yahoo.com