தேடப்படும் தீவிரவாதி

சென்னை சென்டிரல் ரயில் நிலையத்தின்
மெட்டல் டிடெக்டர் வாயிலுக்குள்
வலது கால் வைத்து உள்ளே நுழைந்தேன்.
நூற்றுக்கணக்கானவர்கள்
கடந்து கொண்டிருந்த இடத்தில்
என்னை மட்டும் சோதனைக்கு அழைத்தாள்
போலீஸ்காரி.
பையையும், பயணச்சீட்டையும்,
அடையாள அட்டையையும் சோதித்து
விவரங்களைப் பதிவு செய்து கொண்டு
விடுவித்தாள் என்னை.
அடுத்த வாரம் அதே மாதிரி
ரயில் நிலையத்துக்குள் நுழைந்த போது
நானாகவே என் பையை
அவளிடம் நீட்டினேன்.
என்னை அடையாளம் கண்டு கொண்டவள்
புன்னகைத்து 'போ' என்று
கை காட்டி விட்டாள்.
தேடப்படும் தீவிரவாதிகளின்
பட்டியலில் இருந்து
என் பெயர் நீக்கப்பட்ட சந்தோஷத்தில்
மூன்றாவது நடைமேடையை நோக்கி
உற்சாகமாக நடந்தேன்.

(c) veenaapponavan@yahoo.com